愛心粥店

今日好難得咁早返到屋企 罕有咁睇到"鏗鏘集" @@

其實"鏗鏘集"講D野真係好發人心醒
好多時講ge野都會令到社會關注

好似今集咁講左一間係何文田愛民邨ge粥店~

每日都免費派粥比D長者~仲要食幾多碗都得 !
仲要唔係白粥wow....係有齊咁多種粥比長者食 !
每日派ge成本都真係好重...

有邊個話 一定要大企業先可以回饋社會 履行社會責任ga !?

係而家呢個咁現實ge社會 係金融風暴底下
一間小小ge粥店 又唔係賺得多錢
但係都盡佢ge能力去履行社會責任
為社會做事 不計交一分一毫

呢份為長者送上一點一滴ge暖意 真係令人可敬!!

亦都為各大小企業 做左一個好好ge模範 !

睇到呢間愛心粥店ge故事之後 真係有股衝動想即刻捐錢比呢間愛心粥店 !

其實都有好多人有同感 有時D有心人會寄支票用行動去支持呢間店 !

而家社會紛紛開始關注企業ge社會責任 有無良心做生意咁

有良心 又有社會責任ge公司我一定極力支持 !!

其實長者要ge都係一點關心 關懷

只要簡簡單單送一碗白粥 都可以滿足到長者ga la~

如果有機會ge話 真係想去食返碗粥支持下呢間愛心粥店 !

今日小孩比以往健康?

現家D小朋友要mud有mud~

醫療又發達 科技又日新月異
香港又有美食天堂之稱wow
小朋友生活係咁幸福ge香港之中 養尊處優

但係可惜 樣樣野都進步 但唯獨是"健康"卻不斷退步..

什麼心臟病 痴肥 骨質疏鬆 癌症等等
好多老人病症 係而家都漸漸年輕化

以前D小朋友..想食都無得食 生活又困苦
以前年代ge小朋友 個個捱苦咁長大
因為我成日聽老豆講以前生活ge困苦

好似細個時候 屋企都無錢供老豆讀書..
每日都要外出趕牛
每年生日ge一隻紅雞蛋已經係全年最豐富ge禮物
基本上全年都無幾多餐飽飯食...
就算病左都無錢睇醫生等等...

可想而知當時生活ge困苦..
比起而家ge小朋友 真係成一個好大ge對比!

但係我老豆到而家五十幾歲 仍然身壯力健!

其實係現今社會 我地又有冇反思過..在力求進步ge陰影底下...
有D mud野我地係不斷退步 或者漸漸失去ge呢??

以前ge健康 綠化叢林 瀕臨絕種ge動物 以至於潔淨ge空氣 食水等等

係科技發展ge過程當中....呢D又係咪必然ge後果呢??
有D mud野係我忽略左呢??

其實現今小朋友ge健康程度已經不勝從前la..
好大可能歸咎於 食物 诲水 空氣污染等等因素影響

加上而家小朋友多揀飲擇食 吸收營養唔均衡
至會造成現今小朋友唔健康ge 情況出現 !

"小朋友就係未來ge主人翁"

到呢一代小朋友大長大ge時候...又會有幾多個係健康ge主人翁呢??

裁員風暴

自從金融風暴發生後 全球各國金融市場都陸續不景氣
牽連甚廣 席捲全球

各國公司都採取唔同ge方法對抗逆境
好似 盡量減小不必要ge支出
將員工轉做part time worker
又減小返工鐘數等等

不過就算公司點節約也好...係金融風暴低下

"裁員"真係好多公司都會採用ge一種方法..

好似近排 "匯豐銀行" 率先裁減400人 其後好多銀行亦作出相應ge行動..
一下子就有成千人加入失業大軍..

睇黎近排ge裁員潮應該會更加龐大..

好多公司都開始捱唔住相繼汁笠...好似泰林 目黑咁

不過汁笠得黎 仲要扣起員工份糧

最後無聲無色咁突然倒閉 真係好冇社會道德lor
員工要第二日返工先知公司汁左
真係好無助同埋氣憤..

其實裁員對於公司黎講真係影響好大..
員工士氣大損 個個人心惶惶咁 做野都無心機la..
對公司生意都有一定程度ge影響

但講真又係ge....社會不景氣 生意額驟降
唔裁員的確係公司一個好大ge負擔...

公司 梗係以賺錢為主ga la..
蝕錢仲要保住員工飯碗...真係好難做到ge..

唉...總之就係金融風暴ge錯la !

香港特色小食

如果講起香港ge特色....一定會諗起"Fusion"

係香港咩食物都會搵到~
全球ge美食都可以係一個小小ge香港一次過品嘗到 !

什麼日本菜...越南菜...法國菜...意大利菜應有盡有 !

但...有冇諗過香港其實都有自己一套ge特色食物 ??

其實呢D食物係香港都真係隨處可見
不過大家一定無mud留意過~

好似街邊D煎爙三寶 港式奶荼 燒賣 蛋撻 豆腐花 街邊小販等等~
好多時呢D特色小食迷倒唔小遊客ga !



好似前港督 彭定康 咁~好鍾意食香港ge蛋撻 !

我都好鍾意呢D香港特色小食~又好食~價錢又低!

好似今日去過大埔果邊行下

估唔到食到咁多特色小食..
仲要平過香港島果邊咁多 @0@


唔知大家有冇食過一間豆腐花店叫"人和荳品廠" ??
果到D豆腐花真係勁滑勁好食...都係賣緊$9 一碗

係大埔墟火車站附近又有一間專賣豆腐花ge店叫"亞婆豆腐花"

一試之下 同"人和荳品廠"平分秋色 不分高低
點知係賣緊$5 一碗....嘩...勁正!

食多幾碗都仲得 @@

其實除左豆腐花之外 大埔好多野都比香港島平好多
係街邊食返餐飽都唔使幾十蚊 !

真係住慣係香港島 其他地方ge特色都唔清楚lu~
經過今日見識之後 日後可以多點去香港的其他地方行下 !

惡戰連場

終於到左期盼已久ge籃球賽開波 !
既緊張又興奮!

不過被抽中編入死亡D組.....同上屆冠軍同組!
第一場就要對壘..
係上年我地上演左一場精彩ge賽事!
我地要打到加時先險勝兩分...

今年第一場就要再度對戰~!

本來賽事開頭我地打得唔錯~半場head住對面三分
但下半場比對面ge射手入左幾球波之後 就開始打得有點亂..
籃板又輸比對面高佬...又錯誤頻頻咁...

結果最後都唔能夠平反敗局....以5分之差輸左..
26 : 21

當時真係有D驚...士氣又大損
又唔知接住打果隊係咩人...會唔會都好勁咁呢..

每組又faul 一隊wow...一組得果三隊...
我地一開波已經lose左一場...披住一負ge成績..

下一場簡直係背水一戰!
一定要win...仲要win多過5分先可以肯定出線

好彩...最後打果隊都唔勁...我地可以輕易大炒對手
33 : 8

以正20分ge得失球可以確定出線8強!

阿Frank 同埋 Mathew 簡直著左火ar!
得分勁多! 兩場加埋有成十幾二十分!

Mathew 仲帶埋爸爸黎睇比賽~
uncle 都識打波ga wow @@
以前一定係uncle教Mathew打籃球ga la~

十二強都打得咁辛苦...接住8強都應該係惡戰連場la...
今年ge隊伍平均比上年ge強wow...好大競爭ar ><"

人生Formula??

工作...搵錢...供樓...呢個係好多個家庭ge Formula生活~

每個月ge月薪大部份都拎左去供樓.....加埋D生活開支
真係唔方會有錢儲蓄la....
如果仲有兒有女ge話...生活開支就更加重la!

生活係香港真係好大壓力....返學又有壓力...做野又有壓力

有時都會諗而家係香港出世ge BB 都幾慘....
除非自己ge爸爸媽媽好有錢la....如果唔係...又要發奮讀書..

我都係一個讀書人 考會考ar 高考ar
果時真係寒窗苦讀三個月...~"~

日讀夜讀都未必拎到好成績..
讀完書出黎社會做野 做ge工又大多唔係自己讀ge科目

所以為左早D脫離生活ge壓力 提早退休
有效資金ge管理係每個人都需要的!

最好就在年輕時做多方面ge投資la!
起碼年輕ge時候輸得起ma!

意大利餐廳

尋日阿四生日~同左D舊同學去左間意大利餐廳食晚餐~

果間野叫做"Amaroni's Little Italy "
我地仲買左兩個蛋糕入去切tim

點知係果到open cake都要收費用.....$100一個cake...holy...=0="

第一次食意大利菜 ^^
13個人每人食左$134
不過我就覺得唔係咁特別好食....我覺得個價錢同D食品唔成比例=.=

間野係好在生日有蛋糕送lor~勁大個~送左兩個~
一個係cake~一個係tiramisu
不過個cake唔好食~"~

仲加埋本身買ge兩個蛋糕...一個cheese cake...一個又係tiramisu
總共四個蛋糕@@

嘩....呢個係我過咁多個生日之中食得最多蛋糕ge一個
食到我投降=.=

不過真係多人專登去果到慶祝生日...睇見都有成十枱八枱都係@@

D職員仲會為顧客一齊唱生日歌tim~不過一講唱中文就走開晒~haha

"牛膝蓋" 呢D野食又幾特別ge~

總括黎講~呢間"Amaroni's Little Italy "我係....................
唔會再去ga la~haha

買樓好過買股票?

我上年曾經返過鄉下 估唔到無返一排 鄉下ge親戚有咁大ge轉變

我仲記得以前好細個ge時候....鄉下好窮ga
老豆成日都要買野返鄉下 好似接濟佢地咁..
又比錢....又買電器...又買奶粉...又買藥

我果時得幾歲...我阿哥大我四年 仲有一個細佬

一家大細拎齊成抽行李 好似走難咁係羅湖過關

人山人海 逼左成兩個幾鐘先過到關....

返一次鄉下都好似打扙咁走難...點似得而家咁有E道又24小時通關咁好~

估唔到而家鄉下果邊ge生活咁輕鬆~
只要買左一塊地皮 再行起樓 租出去每月都有幾千元收入

得閒打下麻雀 帶下D仔女出去行下街 一係就訓下教 吹下水
生活指數又低~真係可以講得上係生活無憂ga~

不過佢地ge投資方法真係不得不令我嘖嘖稱奇

首先用盡所有錢買地皮 之後投到地皮之後就開始起樓~
但係到起完樓ge時候都未需要付清工人錢....一字記之若 "拖"

樓又可以租出去先 再續年慢慢償還工人錢....

但其中又開始投地皮...再起樓...又租出去咁樣...
請ge仍然係同一班工人 欠ge仍然都係同一班人
但竟然仲肯同佢打工@@?

原來係咁ge...還就一定還....不過慢慢還...
到佢地追錢ge時候千其唔好唔比..一定要比..如果唔係就好易反面ga la
嘩...鄉下呢D親戚真係...商界高手...

加上而家中國大陸開始急促發展呢 地皮呢D將會有好大ge升值潛力
鄉下D親戚寧願買地皮都唔會投資股市~

睇得好準ar佢地.....遲D租金又會不斷升wow~
起碼有穩定ge收入ma~

就算股票跌幾多 樓價都唔會有太大ge影響 !
李嘉城都係靠地產起家ga!

所以話有錢ge話 買樓真係好過買股票ga~

資產增值

好多時都聽到D 名人ar...藝員ar投資失利 一無所有..

一係抄賣房地產 一係抄股票 一係生意失敗
一生辛苦賺到ge錢咁樣蝕左....真係好唔抵 !!

但其實佢地做ge又係咪投資呢...抄賣活動都係投機jei 同賭博一樣
到最後..總會輸到一無所有..

其實點樣將資產保值 同 增值都係一門學問 !!
仲係一門每個人都必需同必學ge科目~!

我曾經睇過一本書 書名叫"窮爸爸與富爸爸" 書內有一個故事我覺得幾有教育意義

一位爸爸有三個兒子 而爸爸各比左一千元比三個孩子 叫孩子在一段時間內將那一千元增值

結果在一段時間後 爸爸問孩子結果如何

一位把那一千元花光買東西
一位把一千元買股票
一位就選擇唔用留返一千元

咁邊位先至真係幫那一千元增值 或者 保值呢?
就算唔用那一千元....但其實在一段時間後...一通漲..那一千元都係貶值左 !

買股票的那個孩子 到最後真係有賺錢 達到增值 同 保值ge效果!

以上三個兒子 各自表現左唔同ge投資方法:

買東西ge兒子 就好似 投資房地產一樣(難以轉手)
保留一千元唔用ge兒子 就好似將資金放在超低息銀行一樣(到最後都會隨時間而貶值)

其實股票市場係唯一一樣唔須經什麼複習途徑 就能做到個人投資ge工具
只需要應真分析上市公司資料 要做到資產增值唔難

好ge公司個個都知 但做ge時候都只係投機活動 並不是投資

低買高賣 不斷轉手
一個金融風暴之後 一無所有

所以就算一生之中搵多少錢 賺多少錢也好
只要懂得將資產增值 同埋 保值先至無悔今生!

股票洐生工具

講起而家社會ge股票市場真係.....洐生工具氾濫成災...
D人寧願買洐生工具都唔買股票

抄期指 抄窩輪 其實已經將一開始洐生工具ge原意扭曲咗..

其實股票市場一開始本來就只得股票 但隨住時代發展
企業為左方便同籌募資金 先至產生呢D洐生工具

好似期貨咁 本來就係比人用黎做對沖ge
但到現在...D人直接用期貨黎做賭博
本來 投資ge意義 已經 變咗投機lu

其實呢個問題已經存在已久....係無人認真處理面對
政府又唔加以監管

其實最近係香港纏擾多時ge 迷理債券亦都係洐生工具氾濫成災底下ge"毒物"
股民買ge竟然係企業ge負債....

唔只係股民濫用洐生工具...就連企業都係 !
金融業真係.....十面埋伏

擴充業務

雖然現在香港正經歷緊金融危機 各行各業都會緊縮開支以應付融資問題

但竟然在此金融風暴陰影底下 仲有企業選擇擴充業務 @@

"華潤" "稻香" "大快活" "Paris Cafe" "日本城" 均趁機開設新店以攻佔市場 !!

所謂有危必有機

講真.....如果企業資金許可的話 呢個時勢進佔市場的確係一個好時機!!

好多企業都面臨倒閉危機 必定有大把又平又靚ge鋪位出租
租金又平 地點又靚 如果資金許可ge...何樂而不為呢

係金融風暴之下.....有現金先至可以趁勢投資 !!
所以....金融風暴都唔係一定唔好ge~

"能夠從危機中搵到機會"

呢個先至係各行各業 甚至個人而言 的 致勝之道!

金融風暴

今年ge美國金融風暴大家一定記憶猶新

"金融風暴" 呢個字對我黎講一D都唔陌生 因為自小就成日聽到我阿爸講股票..

"十年一次金融風暴" 係我老豆ge經驗之談

1997年一次......2007年一次....不過今年就遲左一年....2008年又一次..

所以我老豆ge講法應該改一改 應該話"around十年就會有一次金融風暴"

某程度上佢講ge野都有D道理ge 可能呢個就係金融業ge一個循環

不過今年我都未真正出黎社會做野 未有$$投資 ><
睇黎又要等到下一個十年了....
係呢十年內真係要認真地儲儲$$ la !